Nunha velada cargada de emoción e inspiración, o Celta Integra Zelnova asistiu como invitado especial á estrea de ‘Ganas de Vivir’, o novo documental da atleta paralímpica e membro da familia celeste Desi Vila. O evento, celebrado nos Cines Tamberlick de Vigo, reuniu aos xogadores do equipo coa protagonista nunha xornada que celebrou a superación e o amor pola vida.

Como mostra de cariño e agradecemento pola invitación, os xogadores fixeron entrega da camiseta oficial do equipo a Desi Vila, quen sempre foi un referente de enerxía e vitalidade para a Fundación. Este encontro reforza os lazos entre o club e os seus referentes, demostrando que o apoio mutuo é fundamental para seguir transformando vidas a través dos valores do deporte.