O RC Celta regresa a Panamá da man da Fundación Celta e o adestrador do fútbol basee celeste. Por segundo ano consecutivo, a provincia de Chiriquí acolle a segunda edición do ‘Campus Celta Experience Panamá’, unha actividade organiza en colaboración co club local Las Águilas na que participan máis dun centenar de nenos e nenas de entre seis e dezaoito anos.

Catro técnicos das categorías inferiores do RC Celta desprazáronse a Panamá para transmitir aos mozos xogadores e aos adestradores locais o método de traballo da canteira celeste. O regreso do RC Celta a terras panameñas espertou moita atención mediática, recibindo unha importante cobertura informativa por parte de medios locais e nacionais.

O club vigués continúa arraigando a súa presenza internacional grazas á Fundación Celta, que cada ano desenvolve numerosos campus e outras actividades deportivas ao longo e ancho do planeta, unha valiosa oportunidade, ademais, para atopar futuros talentos máis aló das fronteiras nacionais.