A Fundación Celta presentou no Salón de plenos do Concello de Barreiros,  a sede do Campus de verán que se celebrará na localidade, organizado de maneira conxunta cos clubs de fútbol locais Celta de Barreiros e Iberia e o Concello de Barreiros a través da súa concellería de deportes.

Actuaron como anfitrións do acto Ana Ermida, alcaldesa do Concello de Barreiros e Daniel García, concelleiro de deportes quen recibiu a Germán Arteta, director da Fundación e Manu Gómez, coordinador de campus e escolas.

Durante o acto presentáronse todos os detalles do campus, que se celebrará do 2 ao 4 de agosto nas instalacións do Campo de O Cascabeiro  e do 5 ao 6 de agosto nas instalacións do Campo de As Valgas. Esta actividade está destinada a nenos de 4 a 16 anos de idade, que participarán en horario de 9:45 a 14 horas.

Se desexas máis información acerca de Campus Fundación Celta by Cabreiroá, fai clic en esta ligazón.

As inscricións xa están abertas para este verán!