Esta mañá asinouse a renovación do convenio de colaboración entre a Fundación Celta e o Grupo Davila-Termavi en calidade de membros protectores, unha vinculación que dura xa 22 anos cun firme compromiso coas accións sociais, solidarias, formativas e de inclusión que leva a cabo a Fundación, englobando á canteira, as escolas do Celta e sobre todo as actividades de o proxecto Fundación Celta Integra con accións que inciden no desenvolvemento persoal de persoas con diversidade funcional.

Ao acto -celebrado na Sede do RC Celta- acudiron José Manuel Raimúndez, conselleiro delegado do Grupo Davila, Pablo González, responsable de comunicación e márketing da división industrial do Grupo Davila, Lida Caride responsable do departamento comercial e de márketing da Fundación Celta e Germán Arteta, director da Fundación Celta.