A pasada fin de semana os nosos equipos das ESCOLAS FUNDACIÓN CELTA levaron a cabo os primeiros partidos da tempada, de momento de carácter amigable en espera que se inicie a competición federada.

Arrincamos cos nosos máis pequenos, os miudiños, que compiten en fútbol sala baixo a denominación de CLUB FUNDACIÓN CELTA enfrontándonos ao UD MOS nun rifado partido.

Esa mesma mañá de sábado tamén se vestiron de curto para competir a nosa nova sección de fútbol 8 coa denominación de GRAN PEÑA, por mor do acordo de filialidad entre a devandita entidade e o RC Celta, que a través das ESCOLAS FUNDACIÓN CELTA facemos extensible aos máis pequenos. Debutaron os nosos dous equipos alevíns nun dobre enfrontamento contra o Rápido de Bouzas con moitos goles e bo fútbol por ambas as partes. O domingo chegou a quenda na Madroa para os nosos benxamins e prebenxamins, enfrontándose os nosos dous equipos benxamins entre si e igualmente os nosos dous equipos prebenxamins. Para moitos era o seu primeiro partido e afrontárono cunha enorme ilusión. Os dous partidos, igualadísimos e entretenidísimos, fixeron as delicias dos moitos familiares que se deron cita nas instalacións.

Sen dúbida un gran debut para todos os nosos equipos onde a participación, a diversión e a aprendizaxe son os pilares principais. A próxima fin de semana máis. Aínda nos queda algunha praza libre para poder participar na competición da man das ESCOLAS FUNDACIÓN CELTA así que non deixar pasar esta gran oportunidade.