Fundación Celta Academy chega a Oceanía! A pasada semana, o coordinador de Celta Academy, Marcos Alonso, desprazouse ata a cidade australiana de Melbourne para levar a cabo un clínic en colaboración con Elite Football Academy , no cal participaron 40 xogadores entre os 15 e os 23 anos. Tres días de formación intensiva e adestramento, seguindo as liñas mestras da metodoloxía celeste.

Con este evento a Fundación Celta, a través de Celta Academy, consegue ter presenza nos 5 continentes. Sen dúbida este éxito é froito a un traballo de 6 anos da área internacional que aos poucos se foi facendo un oco no panorama futbolístico mundial, sendo cada vez maiores as solicitudes para desenvolver eventos en diferentes puntos do planeta.

Marcos Alonso,coordinador de Celta Academy facendo entrega da camiseta a Mauricio Deridard, director de Elite Football Academy