A Fundación Celta Integra recolleu o premio VIDE de fútbol e fútbol sala do curso 22/23 entregado polo Concello de Vigo no salón de actos de Zona Franca -antigo Reitorado. Un recoñecemento á mellor labor social, en especial por conseguir a campaña pasada o premio á deportividade de Laliga Genuine.

Na cerimonia estiveron presentes Juan Diego Fernández del Río e Fran Díaz, integrantes do corpo técnico do Celta Integra, que recolleron o trofeo de man do alcalde de Vigo, Abel Caballero, no que foi o momento máis emotivo da gala.