O Celta Vigo Development Center en Johannesburgo (Suráfrica), unha escola de fútbol que non ten vinculación co RC Celta e que naceu no ano 2001 como homenaxe ao paso do dianteiro Benni McCarthy polo club vigués, recibiu esta semana material deportivo enviado pola Fundación Celta.
A escola surafricana recibiu diversas prensas oficiais do RC Celta que xa distribuíu entres os seus mozos integrantes. O Celta Vigo Development Center, cuxo obxectivo é educar a través do deporte, conta con 150 nenos e 76 nenas repartidos en equipos de diferentes idades.
