Os campus da Fundación Celta, en colaboración co Wakatake Group, regresan a Xapón tras un parón de 2 anos. As cidades de Chiba -do 8 ao 10 de agosto- e Osaka -do 12 ao 13 de agosto- recibirán a técnicos da Academia Celta para transmitir a metodoloxía e os valores da Canteira Celeste.

Está previsto que uns 100 nenos e nenas de entre 7 e 16 anos poidan gozar desta actividade, que seguirá dando continuidade ao convenio de longa data entre o Grupo Wakatake e a Fundación Celta.